# Nos Playanan, e ilushon di desaroyo By [Sin Kabes](https://paragraph.com/@0xrussel) · 2025-07-23 --- \[ENGLISH version below\] **Introdukshon: Frikshon den kurason** ====================================== Resientemente riba 4 di Yanüari 2024, nos a haña nos mes konfrontá ku gobièrnu di Kòrsou a leak su plannan di desaroyo pa e playa di Caracasbaai. E departamentunan di gobièrnu ku ta inbolukrá den e plannan aki ta spesífikamente VVRP, GMN i CTB. E plan tabata pa “modernisá” i desaroyá/kambia un playa stimá pa pueblo. Tatin varios partidonan pro i kontra e plannan di desaroyo aki. Despues di un par’iluna pueblo a haña sa ku e plannan ta mas grandi ku a wordu premirá i ku otro playanan di Kòrsou manera Lagun i Jeremi tambe ta den bista di gobièrnu pa wòrdu dorná den e narativa di modernisashon/desaroyo. E manera ku pueblo a haña sa di e plan na Lagun i Jeremi tabata riba un manera violento. A kuminsá basha mondi i basha fundeshi di semènt den un par’i dia sin a konsultá ku  pueblo. E bèklèsh ku gobièrnu a haña e simannan despues ta mustra e mal kontentu di pueblo pa ku e maneho gobermental di nos gobièrnu aktual. E situashon aki a kousa hopi diskushon i frikshon riba redanan sosial. Despues di a nota e frikshon aki, nos di Sin Kabes a disidí ku nos tambe por kontribuí na e diskushon aki for di un  pèrspektiva post-kapitalista i di un ekonomia dekolonial. Den e sigiente sekshonnan nos ke ofresé pueblo un pèrspektiva diferente riba e siguiente konsepto:desaroyo i modernisashon. Nos lo introdusí esaki promé ku un analisis breve di e konsepto di desaroyo. Por ehèmpel; di unda e palabra ta bin? dikon nos ke desaroyá? Ta posibel pa hasié diferente? I kombiná esaki ku un parti ku ta relatá ku e dialogo ku ya ta eksistí riba redanan sosial i plataformanan ofisial  por ehèmpel [e seshon na Lagun dia 14 di Òktober 2024](https://www.facebook.com/GobiernudiKorsou/videos/1510690106481735/). Tambe kon nos por aktua riba e preshon di modernisashon di pafo ku ta afektá nos kurpa kolektivo i nos medioambiente. E solushon lo ta entre skucha di bo grandinan i di pueblo i no bende bo alma pa sèn, pero nos lo elaborá mas den i sigiente partinan. **Desaroyo, Di unda?** ====================== Nos ke pone atenshon riba e palabra i akshon ku nos konosé komo “Desaroyo”. Di unda e ta bini?, Pa kiko e tei?, Ta algu natural? Esaki nos lo eksaminá ku yudansa di e buki titulá, “[The development dictionary](https://shikshantar.org/sites/default/files/PDF/Wolfgang%20Sachs-The%20Development%20Dictionary_%20A%20Guide%20to%20Knowledge%20as%20Power%2C%20Second%20Edition%20%282009%29_0.pdf)” editá dor di Wolfgang Sachs i spesifikamente enfoká riba e definishon skirbí dor di Gustavo Esteva. Pa kuminsá komprondé desaroyo nos mester wak na unda e idea di ta menos desaroyá a kuminsá. Esaki ta na fin di e aña nan 1940, pero por bai aún mas leu den pasado i realisá ku e konsepto ta rima ku temporadanan di kolonialisashon den añanan kaminda nan a dikta ken ta sivilisá i ken no ta sivilisá. **Gustavo ta splika pa un persona por forma un idea pa posiblemente sali for di un kondishon partikular, ta nesesario pa e sinti ku e ta den e kondishon aki.** _Por ehempel, un playa ku su bunitesa natural ta wòrdu mirá komo un playa sin balor paso e no ta traha sèn. Esaki no ta e playa su falta pero kon nos mes a wòrdu kondishoná pa miré._ Na mayoria parti di mundu, inkluiendo nos di Kòrsou, ora bo haña e sintimentu ku bo mester desaroyá, ta pa motibu ku bo ta sinti ku bo no ta desaroyá. E ta asta laga esun ku ta kere nan mester desaroyá sinti ku nan mes kultura i playanan no ta adekuá sufisiente den komparashon ku loke ta e ekspektativa di esnan mas “desaroyá” ku nos. E pensamentu aki no ta keda djis na desaroyo awendia, e ta manifestá su mes komo desaroyo sostenibel, algu ku bo ta tende various bia ta bini bèk den e dialogo na Lagun i tambe den e forma di komunikashon di gobièrnu su plannan pa Caracasbaai, Jeremi, Daaibooi, Daniel, Cas Abou, Santa Martha i West Punt. Aunke esaki ta zona komo algu differente e meta ta pa mantené desaroyo algu abstrakto i no konkreto. E palabra riba su mes ta sòru pa distrakshon. Na lugá di intervení den e manifestashon kolonial aki, nos por mira bèk den praktika i teknologia nan ku nos tin kaba. Manera a wòrdu menshoná e konsepto aki tambe ta afektando Kòrsou, esaki por wòrdu mirá den e diskurso ku resientemente a sali tokante e plan pa mishi ku e playanan públiko di Kòrsou mane Caracasbaai, Lagun i Jeremi. Den e siguiente parti nos lo presentá un transkripshon di e diálogo ku a pasa na Lagun Oktober, 2024. Esaki ta un ehémpel real di e frikshon ku desaroyo ta treseden nos komunidat i por mustra kon e teoria ta wordu bibá. Mane nos a menshoná ta importante pa kòrda ku e eventonan aki no ta limitá na loke a pasa na playa Lagun i Jeremi so. Bo por wak esaki komo símptoma di un malesa mas grandi. **Playa Lagun: E frikshon ku desaroyo ta krea** =============================================== ![Playa Lagun, prome ku plan di desaroyo](https://storage.googleapis.com/papyrus_images/cfd6ea1ba447f6bd59899d6256bfbae8d72c106c52b51186f78e02d7752d5258.png) Playa Lagun, prome ku plan di desaroyo Riba dia di 14 di Oktober 2024 gobièrnu a tuma e inisiativa pa duna pueblo e espasio pa reakshoná riba e idea di desaroyo violento ku gobièrnu di Kòrsou a firma pa playa Lagun i Jeremi. E hustifikashon pa desaroyá e playanan aki di promé minister Gilmar Pisas,  Arkitekto Caldric Boon ta wòrdu presentá den e sigiente transkripshon di e diálogo na Lagun. **E Dialogo di Lagun 14 Oktober, 2024:** ---------------------------------------- **26:00 - 36:00Hende ku ta papia**: Caldric Boon (Boon Services Architect), Min. Presidente Pisas, Raichel Martina (Forever Young Architects)**Tópiko**: Argumentonan pa desaroyo i modernisashon di e playanan (14 Oktober 2024)**Resúmen**: * E playanan ta den man di VVRP, MEO i GMN. * Un protokòl di kolaborashon a wòrdu firmá entre VVRP i LMN. * Tin un presupuesto di 5 mion pa "remodelá"  playa, manera palapa, baño. * Caracasbaai fase 1 lo kosta 3.5 mion. * Tin urgensia pa usa e sèn promé ku e bai “perdí” **36:18Hende ku ta papia**: –**Frase**: "Ta splika, Proyekto Boca Simon" **36:40 - 36:50Hende ku ta papia**: Min. Presidente Pisas**Frase**: "A wòrdu spliká ku por tin manipulashon di dokumento/petishon" **39:00 - 46:00Hende ku ta papia**: Caldric Boon**Frase**:"Justifika e diseño pa Lagun paso mester ta algu duradero, su mes onderzoek a duné informashon.""Un bista mas nèchi" **46:00 - 46:06Hende ku ta papia**: Caldric Boon**Frase**: "Nos sa ku na Kokomo i Mambo tin un wip i nos kier a hasi meskos na Lagun ku un figura di anzue." **46:58 - 47:03Hende ku ta papia**: Caldric Boon**Frase**: "Su meta tabata pa krea un bista mas “Upscale” ku loke tin aworaki" **52:17 - 1:00:01Hende ku ta papia**: Raichel de Jong (Forever Young Architects)**Frase**:"Caracasbaai ta 400 meter largu, ancho di 4 meter, no tin baño, no tin laminda pa para kos, grill pa publiko… Nos ke dempel laman na Caracasbaai… mester mustra meskos ku Jan Thiel. Un "Golf breker" na Caracasbaai lo kosta 13 mion… I pa evitá ku nada “visibel” ta wordu hasi, esaki tabata e mihó solushon." ![Playa Lagun, ku plan pa desaroyo](https://storage.googleapis.com/papyrus_images/f711dc8df43def40fb12495ec1633a3def00859387da86fa5b8ae64bbddeeeac.png) Playa Lagun, ku plan pa desaroyo ### **Posishon di e ouyentenan na Lagun (14 Oktober)** **Organisador di petishon: I. Filipa (25 aña ta biba na Lagun)Frasenan**: * "Tur informashon partí na e introdukshon a wòrdu informá awe (14 Oktober 2024), promé ku e proyekto a bini p’abou (Bandabou), dikon awoki numa?" * "Nos ta kontra di e proyekto aki, no a tene kuenta ku rutina di piskadó, no tin aktividatnan sosial ku a tene kuenta kuné (kamper)." * "No a papia ku pueblo di Lagun promé" **1:03:50 - 1:10:52Hende ku ta papia**: Doño di restaurant Lagun**Frasenan**: * "5 aña pasá nos tabata akinan kaba" * "Nos mester sombra, no restourant i un mirador" * "Gobièrno mester wak struktura di awa enbes di ‘drecha playa’." **Piskadonan di LagunFrase**:"Mi ta haña jammer ku Min.Pres no ta papiando e bèrdat. Nos di Lagun a vota MFK pero ora kos ta robes nos manera bisa… Beton no por resistí e laman, nos sa kon awa ta kore, GMN no ta bishitá akibou pa limpia playa, nos mes ta mantené. Laman no ta ni respetá beton." **1:12:52Hende ku ta papia**: (Piskadó / residente)**Frase**:"Nos grandinan a siña kiko ta laman. 5 aña mi ta duné struktura máksimo… Min. Pres tin masha bon intenshon pero ora kos bai malu abo no ta ei i e lo bira un ruina." **1:14:50Hende ku ta papia**: –**Frase**:"Nos tur sa ki periodo tin aki kampaña polítiko. No laga onrust den pueblo di Bandabou… No ta solamente hende di p’abou pero tambe hende di p’ariba gusta nos playanan manera nan ta. Nos ke bai playa gratis i barato, awendia tin tiki playa ku por hasi esei… Boso ke krea Mambo Beach na tur e lamanan nos no ke Mambo Beach, laga e playanan ku nan aspekto natural." **1:20:19Hende ku ta papia**: Min. Presidente**Frase**: "Mi no por laga e sèn bai sí"{oyente ta grita/rabia} **1:25:00 - 1:27:00Hende ku ta papia**: –**Frase**: \[Frase falta\] **1:37:40Hende ku ta papia**: Intadi Zaima, di Lagun**Frase**:"Mi no por akseptá e pinturanan… mester komuniká ku pueblo… Ami ta pro desaroyo… Hendenan mester por kumpra tereno i tambe mester por kumpra kas." **1:51:18Hende ku ta papia**: –**Frase**: "Dikon beton blanku manera Grecia? Nos mester keda úniko." **2:20:10Hende ku ta papia**: Caldric Boon**Frasenan**:"Mike, splika opinion personal, mi tambe ta kansá ku esnan for di país tin tur kos “Top Gun”... Ami ta haña ku asta kos ku tin memoria di pueblo mester kambia. Nan a haña nan momentu, dikon keda den pensamentu ku na moderno ta okay?... dikon nos no por ta “mente habrí”?... Tantu hulandes ta wèlga paso un biaha e no a bai na nan fabor. Dikon nos ke mira kosnan mesunkos?""Nos yu di Kòrsou tambe meresé kosnan na nivel" Loke nos ke enfoká ta ku e diálogo aki ta djis un di momentonan di frikshon ku a wòrdu dokumentá. I ta mustra ku e teoria di desaroyo ku nos a splika den e promé parti di e artikulo aki ta wordu bibá den aktualidat. **E alternativa kontra di e desaroyo di e playanan na Kòrsou** -------------------------------------------------------------- Un di e kosnan ku e hende nan indigeno a siña mi (autor Renzo) durante mi estudio di “Educacion Comunal” na Oaxaca Mexico ta komprondé kiko ta di otro i kiko ta di bo. Kon nos lo identifiká esaki? E otro kos ku ma siña ta pa bo komprondé kiko ta posibel den un teritorio. Promé bo tin ku traha un mapa (kartografia) di kiko ta disponibel den e teritorio.. E dos práktikanan aki, por apliká pa asina duna nos un bista diferente kon pa transformá nos playanan den un lugá ku ta mas mihó  pa nos, pa e medio ambiente i bestianan ku ta konbibí den e área. Pa nos por realmente komprondé kiko ta di nos (e yu di Kòrsou) nos tin ku rekonosé ku nos ta biba riba tera kolonisá. Mayoria di nos, nos raisnan no ta originá di e tera aki(Kòrsou), i nos tur a yega aki di un manera of otro. Komo konsekuensia, esaki ta pone  ku nos no tin un konekshon ku e tera/isla manera e hendenan indigeno  si tin.Esaki ta pone ku nos lo tin mas difikultad pa konektá ku e tera/isla. Lo no ta imposibel pero simplemente mas kompliká pa nos por yega na e punto kaminda nos ta mas konektá ku nos tera. Pa por logra esaki nos por huza nos imaginashon pa bin ku metodonan alternativo kaminda nos ta buska pa sa kiko ta di nos mes, esaki ta enserá wak rònt di nos i komprondé kiko ta e rekursonan ( materialnan manera kadushi ku por wòrdu husá pa traha kurá) ku nos tin i kiko nos por produsí, asina nos por trese kambio. Konosementu por bin di unda ku ta, pero si nos ke hasi algu nos tin ku skucha e hendenan ku ta biba konektá ku e tera (den e kaso aki, serka di e playa nan). Kiko nan a eksperiensiá? Kiko nan grandinan a eksperiensiá of kiko nan por a krea ku e material den nan disposhishon?  Huzando e konosementu di nos grandinan i nan eksperensianan pa kombatí pensamentu i akshonnan ku no ta aplikabel akinan (den un otro medio ambiente)! Kual e gran parti ta enfoká den modernidad, “eksplotashon” (chibatiamentu) i kapitalismo. **E mentalidad no ta algu ku hende di afó so tin pero nos hende lokal nan tambe. Bo por mira esaki masha bon mes den e diálogo di Lagun.** Ora nos hasi uzo di eksperiensia di nos grandinan esaki por mustra nos kiko e limitashon nan ta, kiko no pa hasi segun nan konosementu/sabiduria i e konekshon ku nan tin ku/di e tera. Mientras tantu, ora nos wak e otro banda di e situashon nos ta nota ku e hende nan di afó ku tin akseso na tereno, ta pasó nan tin kapital ekonómiko of herensia heredá for di kolonialismo. I e pregunta krusial ta; Kiko e mayoria di hende nan di afó ta interesá den dje ora nan ta _desaroyá_ playa? Obtene kapital i privatisashon. E motibu di esaki ta pasó nan no tin un interés den konosé e tereno. En konsekuensia uniko kos ku nan por hasi ta reprodusí kiko nan a mira na un otro lugá. Enfokando mas den e kapital ku e playanan por trese enbes di e trankilidad i outentisidat ku ta hasi e luga mas atraktivo i tene e medio ambiente rondo di dje mas bibu. Mayoria bes hende lokal ta purba implementá un kombinashon di kiko ta di nos mes i kiko ta di afó. Loke ta kousa ku nan ta kai den e trampa di modernisashon, kapitalismo y “eksplotashon” di nos tera. E uniko kos ku negoshantenan lokal ta wak ta kua konsepto di playa por hasi ganashi. I ta purba di rekreá esaki, sin tene kuenta ku e hendenan lokal su eksperensha di e playa. Esei no ta e falta di e individual pero falta di e ideanan di afó (ku ta wordu krea pa un ambiente spesìfiko) tokante modernisashon i _desaroyo_, ku ta un herensia kolonial. Un herensia kolonial ku ta trata di dominashon i ta benefisiá esnan ku tin akseso i kapital pa ta doño di e playanan. Awor ku nos ta komprondé ku _desaroyo_ no ta algu natural pero un herensia i un terminologia kolonial nos por wak kiko ta posibel pa nos isla, tera i spesífikamente nos playanan. Wak kiko ta tei, skucha nos grandi nan, wak kiko ta posibel ku e material nan rondó di nos. Porta nos lo **realisá ku nos playanan ta sufisiente** ku tiki intervenshon di hende. _Semper, Krea Frikshon._ Outornan di Sin Kabes: [Renzo](https://mirror.xyz/0xrussel.eth/NBdNqWIsXuPAf5i176ql_JbAFD7e_41s6WfTQakV3vA) i [Ruben](https://mirror.xyz/0xrussel.eth/2jGwamvJI2G_ErvynYzdktUZOA6UzH_abDP2zlAfgjw) Co- Outor: [Nash Caldera](https://mirror.xyz/0xrussel.eth/U7QvayoudFriJO7TEw9S-jrdxf1OrwGNdAcf4NHAaL0) , Alejandra Ilustrashon: Maxine Russel **\[English Version\]** **Introduction, friction in the heart**, ---------------------------------------- Recently, on January 4, 2024, we found ourselves confronted with the government of Curaçao leaking its development plans for Caracasbaai beach. The government departments involved in these plans are specifically VVRP, GMN, and CTB. The plan was to “modernize” and _develop_ a beach cherished by the people. There have been various parties both for and against these development plans. After a few months, the people learned that the plans were bigger than initially presented, and other beaches in Curaçao, such as Lagun and Jeremi, were also in the government’s sights to be incorporated into the narrative of modernization/_development_. The way the public found out about the plans for Lagun and Jeremi was violent. Land clearing and pouring of cement foundations began within a few days without any consultation with the community. The backlash the government faced in the weeks after showed the public’s dissatisfaction with how the current administration is handling governance. This situation has sparked a lot of discussion and friction on social media. After noting this friction, we from Sin Kabes have reached a point where we see that we can also contribute to this discussion with a post-capitalist and decolonial economic perspective. In the following sections, we want to offer the public a different perspective on the following concepts: _development_ and modernization. We will first introduce this with a brief analysis of the concept of _development._ For example: Where does the word come from? Why do we want to _develop_? Is it possible to do it differently? We will combine this with a part that relates to the dialogue that already exists on social media and official platforms, for example the session in Lagun on October 14, 2024. We will also look at how we can act against the external pressure of modernization that is affecting our collective body and our environment. The solution lies in listening to your elders and your people, and not selling your soul for money—but we will elaborate more on this in the following parts. **Development, where does it originate from?** ---------------------------------------------- We want to draw attention to the word and action we know as “_Development._” Where does it come from? Why does it exist? Is it something natural? We will examine this with the help of the book titled [_The Development Dictionary_](https://shikshantar.org/sites/default/files/PDF/Wolfgang%20Sachs-The%20Development%20Dictionary_%20A%20Guide%20to%20Knowledge%20as%20Power%2C%20Second%20Edition%20%282009%29_0.pdf) edited by Wolfgang Sachs, focusing specifically on the definition written by Gustavo Esteva. To begin understanding _development_, we must look at where the idea of being underdeveloped began. This emerged at the end of the 1940s, but we can go even further back in history and realize that the concept resonates with the periods of colonization, during which it was dictated who was civilized and who was not. Gustavo explains that for a person to form an idea of possibly escaping a particular condition, it is necessary for them to feel they are in that condition. For example, a beach with its natural beauty may be seen as a beach without value because it does not generate money. This is not the beach’s fault, but rather how we have been conditioned to see it. For the majority of the world, including us in Curaçao, when you feel you need to develop, it is because you feel you are underdeveloped. This even leads those who believe they need to _develop_ to feel that their own culture and beaches are not adequate enough compared to what is expected by those who are more “developed” than us. This way of thinking does not stop at _development_; today it manifests itself as sustainable _development_—something that you often hear mentioned repeatedly in the dialogue at Lagun and also in the way the government communicates its _development_ plans for Caracasbaai, Jeremi, Daaibooi, Daniel, Cas Abou, Santa Martha, and Westpunt. Although this may sound like something different, the goal is to keep _development_ as an abstract concept, not something concrete; the word itself serves as a distraction. Instead of intervening in this colonial manifestation, we can look back at the practices and technologies we already have. As mentioned, this concept is also affecting Curaçao, and this can be seen in the recent public discourse regarding plans to interfere with Curaçao’s public beaches such as Caracasbaai, Lagun, and Jeremi. In the next part, we will present a transcript of the dialogue that took place in Lagun in October 2024. This is a real example of the friction that _development_ brings into our community and shows how the theory becomes alive. As we have mentioned, it is important to remember that these events are not limited to what happened at Lagun and Jeremi beaches alone. You can see this as a symptom of a larger illness. To explain this we will start by giving context. **Playa Lagun: The Friction Development Creates** ------------------------------------------------- ![Lagun beach, before development plans](https://storage.googleapis.com/papyrus_images/80f98760d9a919d1477430e70df061b1794e56af59809ce5885c11c8f960a17c.png) Lagun beach, before development plans On October 14, 2024, the government took the initiative to give the people space to respond to the controversial development plans signed by the government of Curaçao for Playa Lagun and Jeremi. The justifications for _developing_ these beaches by Prime Minister Gilmar Pisas, architect Caldric Boon, and others are presented in the following transcript of the dialogue held at Lagun. ### **The Lagun Dialogue – October 14, 2024** **Timestamp: 26:00 - 36:00Speakers:** Caldric Boon (Boon Services Architect), Prime Minister Pisas, Raichel Martina (Forever Young Architects)**Topic:** Arguments for the development and modernization of the beaches (October 14, 2024)**Summary:** * The beaches are under the responsibility of VVRP, MEO, and GMN. * A collaboration protocol has been signed between VVRP and LMN. * There is a budget of 5 million to "remodel" the beaches—things like palapas, restrooms. * Phase 1 of Caracasbaai will cost 3.5 million. * There is urgency to use the money before it is "lost". **Timestamp: 36:18Speaker:** –**Phrase:** “Explain the Boca Simon Project” **Timestamp: 36:40 - 36:50Speaker:** Prime Minister Pisas**Phrase:** “It was explained that there could be manipulation of documents/petitions” **Timestamp: 39:00 - 46:00Speaker:** Caldric Boon**Phrases:** * “Justify the design for Lagun because it needs to be something durable, our own research provided the information.” * “A more beautiful view.” **Timestamp: 46:00 - 46:06Speaker:** Caldric Boon**Phrase:** “We know at Kokomo and Mambo there’s a swing, and we wanted to do the same at Lagun with a figure shaped like a fishhook.” **Timestamp: 46:58 - 47:03Speaker:** Caldric Boon**Phrase:** “The goal was to create a more upscale look compared to what is currently there.” **Timestamp: 52:17 - 1:00:01Speaker:** Raichel de Jong (Forever Young Architects)**Phrase:** * “Caracasbaai is 400 meters long, 4 meters wide, no restrooms, no shade for things, public grills… We want to flatten the seabed at Caracasbaai… it should look like Jan Thiel. A wavebreaker at Caracasbaai will cost 13 million… and to avoid anything 'visible' being done, that was the best solution.” ![Lagun beach after development](https://storage.googleapis.com/papyrus_images/f711dc8df43def40fb12495ec1633a3def00859387da86fa5b8ae64bbddeeeac.png) Lagun beach after development ### **Position of the Attendees at Lagun (October 14)** **Petition Organizer:** I. Filipa (living in Lagun for 25 years)**Phrases:** * “All this information in the introduction was presented today (October 14, 2024), before the project even came to Bandabou, why only now?” * “We’re against this project. It doesn’t consider the fishermen’s routines. There were no social activities included (like camping).” * “They didn’t talk to the people of Lagun beforehand.” **Timestamp: 1:03:50 - 1:10:52Speaker:** Owner of the Lagun restaurant**Phrases:** * “We’ve been here already for 5 years.” * “We need shade, not a restaurant or a viewing deck.” * “The government needs to look at water structures instead of just ‘fixing the beach’.” ### **Fishermen from Lagun** **Phrase:** “I find it sad that the Prime Minister is not telling the truth. We from Lagun voted for MFK, but when things go against us, we speak up… Concrete can’t withstand the sea, we know how the water flows, GMN doesn’t even visit to clean the beach—we maintain it ourselves. The sea doesn’t even respect concrete.” **Timestamp: 1:12:52Speaker:** (Fisherman / Resident)**Phrase:** “Our elders taught us what the sea is. I’ll give any structure 5 years at most… The Prime Minister has good intentions, but when things go wrong, he won’t be there and it will become a ruin.” **Timestamp: 1:14:50Speaker:** – **Phrase:** “We all know it’s political campaign season. Don’t create unrest in Bandabou… It’s not just people from “westpunt”, but also people from the east who love our beaches as they are. We want to go to the beach for free and cheap. Nowadays there are very few beaches where you can do that… You want to create Mambo Beach at every coast—we don’t want Mambo Beach, leave the beaches with their natural feel.” **Timestamp: 1:20:19Speaker:** Prime Minister **Phrase:** “I can’t let the money go to waste.”{Audience shouts/gets angry} **Timestamp: 1:25:00 - 1:27:00Speaker:** – **Phrase:** \[Phrase missing\] **Timestamp: 1:37:40Speaker:** Intadi Zaima, from Lagun **Phrase:** “I can’t accept these painted visions… there must be communication with the people… I’m pro-development… People must be able to buy land and homes too.” **Timestamp: 1:51:18Speaker:** –**Phrase:**“Why white concrete like Greece? We must stay unique.” **Timestamp: 2:20:10Speaker:** Caldric Boon **Phrases:** * “I want to share my personal opinion, I’m also tired of foreigners having everything ‘Top Gun’... I think even things with memory and cultural meaning should change. They had their moment—why stay stuck in the thought that modern is okay?... Why can’t we be open-minded?... So many Dutch people protested because once something didn’t go their way. Why do we want to recreate the same things?” * “We,the citizens of Curaçao, also deserve things at that level.” What we need to focus on is that this dialogue is just one documented moment of friction. And it shows that the _development_ theory we explained in the first part of this article is actively being lived out today. **The alternative to the development of Curaçao's beaches** =========================================================== One of the things that the indigenous people taught me (author Renzo) during my studies in “Educacion comunal” in Oaxaca, Mexico, is to understand what belongs to others and what belongs to you. How do we identify this? Another thing they taught me is that to understand what is possible in a territory, you first need to create a map (cartography) of what is available in that territory. These two practices can be applied to give us a different perspective on how to transform our beaches into places that are better for us, for the environment, and for the animals that frequent the area. To truly understand what belongs to us (the citizens of Curaçao), we need to recognize that we live on colonized land. Most of us, our roots do not originate from this land (Curaçao), and we all arrived here one way or another. As a consequence, this has led to a lack of connection with the land/island, unlike the indigenous peoples who do have such a connection. This means that we will have more difficulty connecting with the land—it is not impossible, but simply more complicated to reach the point where we feel more connected to it. To achieve this, we can use our imagination to come up with alternative methods to discover what truly belongs to us. This includes looking around us and understanding what resources (materials such as cacti that can be used to make fences) we have and what we can produce, so we can bring about change. Knowledge can come from many places, but if we want to do something meaningful, we must listen to the people who live connected to the land (in this case, near the beaches). What have they experienced? What have their grandparents experienced, or what have they created with the materials around them? By using the knowledge and experiences of our elders, we can challenge thoughts and actions that are not applicable here (in our environment). Most of these external ideas focus on modernity, “exploitation,” and capitalism. **This mentality is not only held by outsiders but also by our local people. You can see this clearly in the dialogue at Lagun.** When we use the experiences of our elders, it can show us what the limitations are, what not to do according to their wisdom and connection with the land. Meanwhile, when we look at the other side of the situation, we notice that outsiders who have access to land do so because they have economic capital or inheritance from colonialism. And the crucial question is: What is the main interest of most outsiders when they develop beaches? To obtain capital and privatization. This is because they have no interest in truly knowing the land. Consequently, the only thing they can do is reproduce what they have seen elsewhere, focusing more on the capital that the beaches can generate rather than the tranquility and authenticity that make the place attractive and keep the surrounding environment alive. Most of the time, **local people try to implement a combination of what belongs to us and what comes from outside. This causes them to fall into the trap of modernization, capitalism, and exploitation of our land.** The only thing local business owners see is which concept of a beach can make money. They try to recreate this without taking into account the local people's experience of the beach. This is not the fault of individuals but rather of external ideas (created for a specific environment) regarding modernization and development, which are a colonial inheritance. A colonial inheritance that seeks domination and benefits those who have access and capital to own the beaches. Now that we understand that development is not something natural but rather a heritage and a colonial term, we can see what is possible for our island, our land, and specifically our beaches. Look at what is already there, listen to our elders, see what is possible with the materials around us. This way, **we will realize that our beaches are sufficient with minimal human intervention**. _Semper, Krea Frikshon. / Always, Create Friction._ Authors of Sin Kabes: [Renzo](https://mirror.xyz/0xrussel.eth/NBdNqWIsXuPAf5i176ql_JbAFD7e_41s6WfTQakV3vA) and [Ruben](https://mirror.xyz/0xrussel.eth/2jGwamvJI2G_ErvynYzdktUZOA6UzH_abDP2zlAfgjw) Co-Author: [Nash Caldera](https://mirror.xyz/0xrussel.eth/U7QvayoudFriJO7TEw9S-jrdxf1OrwGNdAcf4NHAaL0) , Alejandra Illustration: Maxine Russel --- *Originally published on [Sin Kabes](https://paragraph.com/@0xrussel/nos-playanan-e-ilushon-di-desaroyo)*