# 【出奇的史】明朝一位皇帝 一生只愛一個女人？

By [Ju史](https://paragraph.com/@ju-2) · 2022-09-03

---

喺唔少歌影視作品，又或者史書入面嘅描述，提到古代嘅君王大多數都係後宮佳眾多、縱情酒色，但長情專一嘅君王到底有冇呢？明孝宗朱佑樘可能就係其中一個喇！

明孝宗朱佑樘係明朝第十位皇帝，在位十八年間，早年都係勵精圖治、整肅朝綱、改革弊政，除去朝中奸佞之臣、重用賢士；於是就做到朝序清寧，民物康阜，達到史稱「弘治中興」嘅景象。之不過，去到佢管治嘅中後期，佢就開始迷上一種叫做齋醮道教儀式，令到內庫開銷劇增；而佢自己亦都對朝政有所懈怠，縱容外戚乘機弄權，結果就令到軍備弛廢，國用匱乏。明孝宗朱佑樘嘅一生，就真係可圈可點，之不過，後世就發現佢同歷史上好多嘅皇帝有一點係唔同，就係佢相當專一啊！

雖然古代嘅封建社會男人三妻四妾都係經常發生嘅事，但朱佑樘一生就只係娶咗張皇后，據指明孝宗同張皇后平時相處就好似平常夫妻咁樣，張皇后從小性格開朗，喺明孝宗仲係太子嘅時候就已經陪佢度過唔少不安嘅日子，再加上父親憲宗後宮之間嘅宮鬥為佢帶嚟前車之鑑，所以就算啲大臣點樣勸佢廣納嬪妃，佢都係唔接受。就係咁樣，明孝宗朱佑樘一生只係娶一個皇后喇！

subscribe://

---

*Originally published on [Ju史](https://paragraph.com/@ju-2/tOPVfRzVqiZfjcdYOb8f)*