إيه يعني اللامركزية بالنسبة لبيس؟

مهمة بيس هي بناء اقتصاد عالمي على البلوكتشين يزود الابتكار، الإبداع والحرية. وده ممكن بس على منصة لامركزية و عشان كده بيس

1. مبنية على إيثيريوم، أكثر طبقة اولى أمانا ولامركزية

2. مبنية على OP Stack المفتوح وبدون قيود

3. بتحترم مبادئ الحيادية الرئيسية

كنا مركزين على زيادة اللامركزية بشكل مستمر وانهرده بنعلن ان بيس وصلت للمرحلة الأولى من اللامركزية.

الوصول للمرحلة دي يعني إن بيس دلوقتي عندها ضمانات أمان أقوى واعتماد أقل على الثقة. مع وجود نظام إثبات الخطأ ومجلس أمان لامركزي، وظايف الشبكة والتحديثات بقت في إيد مجموعة اكبر ومتنوعة. ده بيخلي أساس أقوى للتطبيقات، العملات والاقتصاد العالمي على البلوكتشين، بحيث

• المطورين عندهم ثقة في البنية التحتية - القوانين مش هتتغير فجأة

• الشبكة بقت أكتر مرونة، بدون نقطة فشل واحدة

• أي حد يقدر يشارك في تأمين الشبكة والتحقق منها

مراحل اللامركزية

إطار العمل بتاع فيتاليك بوتيرين بيحدد مسار واضح لتطبيقات اللاير تو زي بيس عشان تزيد اللامركزية بشكل تدريجي وآمن. الإطار ده بيوصف تلات مراحل

• المرحلة 0: كل المعاملات بتترفع على البلوكتشين، بس التحقق من صحتها بيعتمد على المشغل بس

• المرحلة 1: بيتم إدخال نظام إثبات خطأ أو إثبات صحة مع سلطة عملية لقبول أو رفض المعامله، مع الية تدخل لامركزية تحت إدارة مجموعة متنوعة من ال استيكرز

• المرحلة 2: لامركزية كاملة، مافيش مجموعة تقدر تفرض حالة غير المحددة في الكود (إلا في حالات أخطاء واضحة)

إزاي وصلنا للمرحلة الأولى من اللامركزية؟

وصلنا للمرحلة دي من خلال خطوتين رئيسيتين

1. إثبات الخطأ على الشبكة الرئيسية: في أكتوبر 2024، أطلقنا نظام إثبات الخطأ على الشبكة الرئيسية لبيس بعد تعاون وثيق مع أوبتيميزم. النظام ده بيسمح

   • اقتراحات بدون قيود: أي حد يقدر يقترح ادعاءات عن حالة بيس

   • تحديات بدون قيود: لو في ادعاء غلط أو احتيالي، أي حد يقدر يتحداه خلال 3.5 أيام باستخدام برمجية مفتوحة المصدر، مع حوافز اقتصادية للتحديات الناجحة. ده زاد اللامركزية بشكل كبير لأن أي حد يقدر يسحب فلوسه من بيس لإيثيريوم بدون الاعتماد على جهات مركزية

2. لامركزية التحديثات من خلال مجلس أمان: الشرط الأخير للوصول للمرحلة الأولى كان زيادة لامركزية التحكم في تحديثات العقود. دلوقتي تحديثات عقود بيس لازم يوافق عليها مجموعة متنوعة من منظومة إيثيريوم. مجلس الأمان بتاع بيس مكون من 10 جهات مستقلة من مناطق مختلفة. عشان يحصل توافق، لازم مجلس الأمان وأوبتيميزم وبيس يوصلوا لنسبة موافقة 75% على الأقل لتنفيذ تحديث. التركيبة دي بتضمن إن مفيش جهة واحدة تقدر تتحكم في عملية التحديث لوحدها

إيه الجاي؟

رغم إن الوصول للمرحلة الأولى إنجاز كبير، لكن رحلتنا للامركزية الكاملة مستمرة. في المستقبل، هنركز على

• أنظمة إثبات إضافية: بنشتغل على إضافة أنظمة إثبات متعددة على بيس لزيادة الأمان واللامركزية. واحد من المسارات الواعدة هو أنظمة إثبات الخطأ القايمة على ZK

• التقدم للمرحلة 2: ملتزمين بزيادة اللامركزية والوصول للمرحلة 2، وهنستمر في اتخاذ خطوات زي تمكين مجلس الأمان من اكتشاف الأخطاء وقضائها من خلال نظام إثبات متعدد

إنجاز النهاردة بيحقق واحد من أهم أهدافنا الاستراتيجية لسنة 2025: "بيس للجميع". من خلال ان بيس تبقا لامركزية، بنبني الأساس اللازم عشان نجيب الكل من كل مكان على البلوكتشين ونخلي اقتصاد عالمي يزود الابتكار، الإبداع والحرية

تابعنا على اكس، واربكاست وانضم للديسكورد

مستقبل استثمار الشركات الناشئة هيكون مفتوح وبيتم على البلوكتشين. ومن خلال دورنا على منصة ايكو، مجموعة ايكو سيستم بيس اللي بتقودها "كوين بيس فينشرز" هتفتح الباب لرأس مال أكبر وأكثر فاعليه لدعم المطورين على بيس

لما أعلنا عن إطلاق بيس من سنة ونص تقريبا، أطلقنا كمان "صندوق ايكو سيستم بيس"وهو صندوق استثماري مخصص للمشاريع الناشئة اللي بتبني على بيس، مع دعم مباشر من الفريق. هدفنا كان بسيط: ندعم المطورين على بيس اللي بيساعدوا العالم يتحول للبلوكشين

ومن ساعتها استثمرنا في أكتر من 40 فريق مبدع شغالين على بيس

لكن واجهنا مشكلتين كبار

1. المطورين محتاجين موارد أكتر علشان يوسعوا تأثيرهم

2. مجتمع بيس عايز طرق أكتر يدعم ويستثمر في المطورين اللي مؤمنين بيهم

وعلشان نسرع الدورة اللي بتحرك ايكو بيس، لازم نحل المشاكل دي

إيه الجديد؟

كجزء من خطوتنا الجاية لدعم المطورين على بيس، "كوين بيس فينشرز" متحمسة تبقى "جروب ليد" على منصة ايكو وهي منصة استثمار خاصة على البلوكتشين. زي كوينبيس، ايكو مؤمنة بفكرة إنها تدي الناس فرصة يستثمروا في المشاريع من بدايتها علشان المستخدمين نفسهم يكونوا جزء من دعم الشركات اللي جاية

إطلاق مجموعة ايكو سيستم بيس على ايكو هيقوي بيس من 3 نواحي

1. تمويل أكتر للمطورين: الشركات الناشئة هيوصلها رأس مال وخبرات أكتر، وده يعلي فرص نجاحهم

2. فرص أكتر للمجتمع: الناس اللي في مجتمع بيس يقدروا يطلبوا ينضموا للمجموعة ويكون ليهم فرصة يستثمروا في الشركات اللي مؤمنين بيها

3. تسريع الدورة: كل ما الفلوس تمشي على البلوكتشين أكتر، نقرب من نظام مالي مفتوح بجد

مستقبل الاستثمار مفتوح وبيتم على البلوكتشين

الاستثمار على البلوكتشين بيدي فرصة للمستثمرين المعتمدين والمؤهلين إنهم يشاركوا في فرص ماكنتش متاحة قبل كده، وفي نفس الوقت بيدي المؤسسين وصول لرأس مال أكبر وأكتر فاعليه

احنا متحمسين نفتح الباب لرأس مال أكتر يوصل للمطورين على بيس ونمكن ناس أكتر يكونوا جزء من موجة الابتكار اللي جاية

تنويه مهم:

المحتوى ده وأي حاجة مرتبطة بيه على أي منصة تابعة لكوينبيس فينتشرز (سواء سوشيال ميديا أو أي موقع) مش نصيحة استثمارية أو مالية أو قانونية أو ضريبية. لازم تستشير مستشارينك القانونيين والماليين قبل أي استثمار

مش كل الناس اللي شافوا البوست ده مؤهلين أو يقدروا يدخلوا على ايكو أو ينضموا لمجموعة بيئة بيس

الاستثمار في الشركات الناشئة محفوف بالمخاطر وممكن تبقى استثمارات غير سائلة تماما، يعني لازم تكون مستعد تخسر فلوسك كلها. الخدمات اللي بتقدمها ايكو، بما فيها دخول المنصة، مقتصرة على المستثمرين المؤهلين بس

البوست ده مش إعلان أو دعوة أو توصية أو عرض لأي حد إنه ينضم ل ايكو أو مجموعة بيئة بيس أو إنه يعمل أي استثمار. وكمان مش عرض لأي خدمة استشارية أو مالية

نتايج كوينبيس فينتشرز السابقة مش ضمان لأي نتايج مستقبلية. وممكن كوينبيس فينتشرز يبقى عندها استثمارات أو مصالح في أي شركة مذكورة هنا أو على ايكو أو غيره

مهمه بيس هي بناء اقتصاد عالمي على الشبكه يعزز الابتكار والابداع والحريه. عشان نحقق ده، واحده من الاولويات الاستراتيجيه ل 2025 هي توسيع بيس وتقليل رسوم الغاز عشان اي حد في اي مكان يقدر يدخل عالم الاون تشين. لحد دلوقتي، زودنا سعه بيس ل 24 ميجا جاس/ثانيه يعني تقريبا 10 اضعاف عن السنه اللي فاتت. لكن لسه في البدايه

هدفنا ل 2025 اننا نوصل لمستوى اعلى بكتير، ونعمل توسع اكتر من 10 اضعاف بالمقارنه مع النهارده، و100 ضعف حجم بيس وقت الاطلاق. ده شيء اساسي لو عايزين نوصل لمليار شخص على الشبكه، التوسع بيساعد بيس على استيعاب حمل اكبر مع الحفاظ على التكلفه قليله للمستخدمين، والرسوم المنخفضه هتساعد ناس اكتر انها تنضم للاون تشين

من بدايه بيس، ركزنا على اهميه زياده السعه عشان نحافظ على الرسوم منخفضه للمستخدمين. فريق بيس الهندسي اشتغل مع مجتمع ايثريوم عشان يوسع توفر بيانات ايثريوم من خلال EIP-4844، اللي سمح باستخدام ال blobs لتقليل رسوم L1 على الـ L2s، ومؤخرا كنا مشاركين في الجهود لزياده سعه الـ blobs على L1

هنوضح التقدم اللي حققناه في توسيع بيس ، والخطه اللي هنمشي عليها للوصول ل 250 ميجا جاس/ثانيه في 2025

توسع بيس

هدفنا الاساسي للسعه هو 1 جيجا جاس/ثانيه، حوالي 40 ضعف الوضع الحالي. لازم نوصل للمرحله دي عشان ندعم مليار مستخدم بيتعاملوا على الشبكه مع الحفاظ على رسوم المعاملات عند اجزاء من السنت

عشان نحقق الهدف ده، حددنا العقبات اللي بتواجه توسع بيس ونظام ايثريوم بشكل عام، سواء على المدى القريب او البعيد، وبنشتغل على معالجتها بشكل استباقي. استراتيجيتنا دايما متماشية مع التطورات في المجال عشان نضمن اننا بنبني مستقبل افضل لمنظومه ايثريوم ككل

رؤيتنا للنظام الصحي بتعني ان بيس لازم يكون متاح للجميع. عشان نحقق ده، لازم يكون عندنا:

• معاملات سريعه جدا (اقل من ثانيه) – عشان بيس يكون مناسب لكل التطبيقات الواقعيه

• رسوم منخفضه جدا (اقل من سنت) – عشان تفضل بيس متاحه حتى في اوقات الضغط

• منصه مفتوحه ولا مركزيه – لان ده السبيل الوحيد لبناء اقتصاد عالمي حقيقي

• تكامل مع نظام ايثريوم – النجاح لازم يكون مشترك مع ايثريوم، متكامل ومترابط مع باقي الـ L2s و L3s

العقبه الاولى – توفر البيانات على L1

توفر البيانات على L1، المعروف باسم "blobspace"، بيحدد كميه البيانات اللي الـ L2s تقدر تنشرها على L1. لما تكون مساحه الـ blobs محدوده او عليها تنافس، ده بيخلق وضع صعب، حيث ان الـ L2s بتضطر تتنافس على المساحه المتاحه. السيناريو ده مش مثالي، لانه بيرفع الرسوم على المستخدمين وبيحد من التوسع العام للنظام. مع ظهور المزيد من الـ L2s واستمرار توسع بيس، بقى عندنا التحدي ده بالفعل. عشان ناس اكتر تقدر تدخل عالم الشبكه، لازم يكون فيه توفر بيانات اكبر للرول ابس

احنا شغالين بكامل سعه توفر البيانات من بدايه نوفمبر 2024، وده معناه ان اي ارتفاع مفاجئ في الحركه الشبكه هيؤدي لارتفاع رسوم لاير1 على الـ لاير2، وده بيرفع التكلفه العامه لمعاملات الـ لاير2. عشان كده، النقطة دي مهمه جدا ولازم نركز عليها للحفاظ على نظام صحي، سواء من حيث استمرار العلاقه المتكامله مع لاير1 وباقي الـ لاير2 أو من حيث إبقاء رسوم المعاملات منخفضه جدا (اقل من سنت)

حاليا بيس بتستهلك حوالي 35٪ من مساحه البيانات وبتعتبر اكبر شبكه بتقدم بيانات على الشبكه الرئيسيه، ومع التوسع المستمر بيس هتستهلك مساحه بيانات اكبر بكتير. احنا متوقعين ان توفر البيانات على الشبكه الرئيسيه هيكون عائق للتوسع من فتره، وعلشان كده شغالين على (1) تحسين استخدام المساحه دي و (2) زياده الكميه المتاحه منها.

علشان نحسن استخدام البيانات في شبكات او بي ستاك، فريق بيس ساهم في تطبيق ضغط Brotli خلال تجميع المعاملات في او بي ستاك، والتحديث ده تم اضافته في تحديث Fjord او بي ستاك ونجح في تقليل استهلاك البيانات بنسبه 35٪. تحسين تاني تم تطويره من مساهمين في او بي ستاك وهو باتشز، وده سمح لشبكات او بي ستاك بتقليل استهلاك البيانات عن طريق ترميز الكتل المتتاليه بصيغه افضل

فريقنا شغال بجدية على PeerDAS علشان نزود قدرة تخزين البيانات بشكل كبير وده هيكون خطوة مهمة علشان نوصل لمليار شخص في العالم اللامركزي. الهدف الاول هو دعم خمسين بلوك عند الاطلاق وبعدها نوصل لميتين ستة وخمسين او اكتر. التحديات كبيرة زي تحسين الشبكة وحل مشاكل الباندويث لكن شغالين مع المجتمع علشان نحلها.

التطورات في التحديثات الجديدة

• حاولنا ندخل PeerDAS في التحديث الجديد لكنه ما اتضمش لكن حصلنا على زيادة صغيرة في عدد البلوكات المسموح بها.

• بنستهدف نضيف PeerDAS في التحديث اللي بعده وده هيكون نقلة كبيرة في توسيع قدرة الشبكة.

التحديات اللي قدامنا

١. سعة تخزين البيانات

• لحد ما بير داس ينزل هيكون في عائق بسبب سعة التخزين لكن شغالين على تحسين استهلاك البيانات بطرق زي الضغط وتحسين طريقة التخزين

• بعد التحديث الجديد المفروض نوصل لسرعات اعلى لكن لحد ما يحصل ده لازم نلاقي حلول للاستفادة من المساحة المتاحة

٢. سرعة تشغيل

• تشغيل العقدة بسرعة وكفاءة مهم علشان الشبكة تفضل مستقرة. بنحاول نحقق سرعات ثابتة لكل بلوك علشان نحافظ على الاداء

• استخدمنا تحسينات في الانظمة الحالية لكن لقينا ان بعض البدائل بتقدم اداء احسن بكتير وبدأنا ننتقل لاستخدامها لكل العقد. ده ممكن يضاعف القدرة الحالية مرتين او تلاتة

• بندرس حلول اضافية زي التشغيل المتوازي وتقنيات جديدة لتحسين تنفيذ العمليات

٣. اثبات الاخطاء

• لازم يكون في نظام قوي لاثبات الاخطاء علشان نحافظ على لامركزية الشبكة. النظام الحالي بيدعم لحد عدد معين من العمليات لكن شغالين على تحسينه علشان يوصل لمستوى اعلى

• بنجرب نسخة جديدة من النظام هتحل مشاكل الذاكرة وتزود الاداء

• بندرس كمان امكانية استخدام انظمة جديدة ممكن تحقق اداء افضل بكتير

٤. حجم البيانات والتاريخ

• حجم البيانات اللي بتتخزن على الشبكة بيزيد بسرعة ولو تجاوز الحد الاقصى ممكن يسبب مشاكل كبيرة.

• بنراقب المساحة التخزينية وبنبحث عن حلول لتقليل حجم البيانات اللي بتتخزن من غير ما نأثر على الاداء

الخلاصةبنشتغل على حلول مختلفة علشان نزود قدرة الشبكة ونحسن الاداء سواء عن طريق ال بير داس او تحسين سرعة العمليات او تطوير انظمة اثبات الاخطاء او ادارة حجم البيانات. الهدف هو توسيع الشبكة مع الحفاظ على سرعتها واستقرارها وده محتاج شغل كتير وتعاون من المجتمع كله

https://x.com/CoinbaseWallet/status/1886822569334181966?ref_src=twsrc%5Etfw%7Ctwcamp%5Etweetembed%7Ctwterm%5E1886822569334181966%7Ctwgr%5Eee030031aa7fb1f915219ebf2a6310fc6b30697a%7Ctwcon%5Es1_&ref_url=https%3A%2F%2Fbase.mirror.xyz%2FAStCR6Mtv7U6yEL0K4tpeXvrKaN_LbGySt0tPfn_Eyw

السنة اللي فاتت، حققنا تقدم كبير مع محفظة كوينبيس عن طريق تسهيل عملية التسجيل والمعاملات باستخدام المحفظة الذكية، وتوفير الخيارات لشراء العملات الرقمية في أكتر من 140 دولة، وكمان مكافأة الأشخاص اللي بينقلوا أموالهم على الشبكة. كمان أعلنا إن محفظة كوينبيس وبيس هيتعاونوا سوا علشان يسرعوا العجلة الاقتصادية على الشبكة

بيس بتدعم المطورين اللي بيبنوا على الشبكة، ومحفظة كوينبيس بتساعد الناس على الانضمام، وبعدها يكتشفوا ويجربوا تطبيقات رائعة. دي الطريقة اللي المفروض العجلة تشتغل بيها، لكن الواقع إن الأداء مش بالقوة اللي نتمناها حاليا

إحنا شايفين عدد تحميلات محفظة كوينبيس بيحقق أرقام قياسية، لكن المستخدمين بيدخلوا يشتروا عملة رقمية، وبعدها بيوقفوا عند النقطة دي. هدفنا إننا ناخدهم لخطوة أبعد

وده اللي بيدور حوالينه ٢٠٢٥ مش بس إننا نخلي الناس تدخل، لكن كمان نوصلهم بالمنتجات المذهلة اللي المطورين بيبنوا عليها كل يوم. الهدف هو مساعدة المطورين إن منتجاتهم، وعملاتهم، وإبداعاتهم تنتشر بشكل واسع

علشان كده، إحنا بنبني الجيل الجديد من محفظة كوينبيس

أهم أهداف محفظة كوينبيس لعام ٢٠٢٥

إحنا بنعيد بناء محفظة كوينبيس كمنصة مفتوحة يقدر أي حد يبني عليها وينميها، وكمان هنساعد المطورين إن مشاريعهم تنتشر بشكل واسع. علشان كده، بنركز على:

• مساعدة التطبيقات على الظهور: هنضيف شبكة اجتماعية جوه تطبيق محفظة كوينبيس باستخدام فاركاستر، وهو بروتوكول اجتماعي مفتوح أي حد يقدر يبني عليه. هنستخدمه علشان نوفر موجز اجتماعي كامل، وكمان تطبيقات مصغرة من خلال اطارات، اللي بتقدم تجارب تفاعلية سريعة على الشبكة بدون الحاجة للخروج من التطبيق

• جعل محفظة كوينبيس أسرع ١٠ مرات وأسهل في الاستخدام: بنعيد كتابة كل حاجة من الصفر، وبدأنا في ده من نهاية السنة اللي فاتت. أحرزنا تقدم كبير، والنسخة التجريبية الأولى هتتوفر قريبا

• تطوير الهوية لتكون أكبر من مجرد محفظة كوينبيس وبيس: من ٢٠٢٣، شفنا انفجار في الإبداع من المجتمع، وبقينا حاسين إننا محتاجين هوية تعبر مش بس عنا، لكن كمان عن المجتمع، بحيث يكون ليه القدرة على استخدامها وامتلاكها بنفسه. بناء إنترنت أفضل محتاج تعاون الكل

  إلي بيتغير

  إحنا شغالين على تحقيق الرؤية دي، ومتحمسين جدا لتأثيرها على اقتصاد الشبكة

  • أولا، هنخلي محفظة كوينبيس مثالية للمدفوعات. المدفوعات بالكريبتو هي أساس كل حاجة تانية، لكنها لسه معقدة. ٢٠٢٥ هي السنة اللي هنخلي فيها المدفوعات تشتغل بسهولة

  • للمطورين، هنساعدهم يوصلوا لملايين المستخدمين اللي بينضموا للشبكة من خلال التطبيقات المصغرة المدمجة في الموجز الاجتماعي، وده هيكون أسهل طريقة للانتشار والتوزيع السريع

  • للمتداولين، هنسرع الشبكة اللي بتخلي لحظات انتشار التوكنز تحصل بسرعة. بنبني محفظة تتيح لك المتابعة، والتداول، والمشاركة مع شبكتك الاجتماعية في مكان واحد

  • للمبدعين، هنساعدك تتواصل مع جمهورك وتكسب من إبداعك، مع ملايين الأشخاص الجاهزين للانضمام لمجتمعك

  • ولكل شخص على الشبكة، هنخلي العثور على التطبيقات اللي تحبها، والتوكنز اللي عايز تشتريها، والمشاريع اللي تهتم بيها، والمجتمعات اللي تحب تكون جزء منها، أسهل من أي وقت فات

    ٢٠٢٥ هتكون السنة اللي هتصبح فيها محفظة كوينبيس المكان الرئيسي للتوزيع للمطورين، المبدعين، والمجتمعات. عندنا الكثير لنعمله، ومش هنقدر ننجح في ده لوحدنا

    عايز تكون جزء من ده؟ ابدأ في نقل محتواك على الشبكة، وابدأ في تجربة التطبيقات المصغرة اللي هتكون جزء من الشبكة. كل ما كان في ناس أكتر بتبني على معايير مفتوحة زي فاركاستر، كل ما جبنا العالم على الشبكة بشكل أسرع

    انضم لينا على فاركاستر و اكس عشان نتشارك معاك كل التفاصيل للتطور كل ده، خليك جزء من تجربة البيتا الجديدة قريبا

مهمتنا

مهمتنا هي بناء اقتصاد عالمي على البلوكشين يزيد من الابتكار والإبداع والحرية. إنترنت جديد، مبني من الناس وللناس

النجاح بالنسبة لنا هو رؤية العالم كله على البلوكشين- ملايين المطورين، ومليارات الأشخاص والطريقة الوحيدة اللي هنوصل بيها هناك هي من خلال ربط الناس والمطورين والشركات ببعض. من خلال دعوة العالم للبناء جنبنا والبناء بشكل مفتوح، إحنا بنخلق نوع جديد من الإنترنت يدعم اقتصاد مفتوح ومزدهر للجميع

واحدة من أكبر التعليقات اللي بنسمعها باستمرار هي إن الانضمام لهذا الاقتصاد الجديد لسه صعب. السنة دي، إحنا مركزين على تبسيط الرسالة، وجعل المنتجات تعمل بكل سهولة، وجلب العالم كله للبلوكشين

أهدافنا الكبيرة والطموحة لعام 2025

علشان نجيب مليار شخص على البلوكشين، لازم نشتغل بجد وندفع نفسنا لنتجاوز مناطق الراحة بتاعتنا. لو كنا بنوصل لكل هدف بنحدده، ده معناه إننا مش طموحين كفاية. عشان كده، لما ندخل سنة 2025، حددنا بعض الأهداف الكبيرة والطموحة اللي بتشعل حماستنا وفي نفس الوقت بتخوفنا:

• 25 مليون شخص

• 25 ألف مطور

• 250 مليون وحدة معالجة (Mgas/s) لرفع السعة

• 100 مليار دولار أصول على المنصة

• 1 مليار معاملة على بيس في أكتوبر

  لما نبص ورا في نهاية السنة دي، هنعرف إننا على المسار الصحيح لو كنا حاولنا نحقق الأهداف دي وواجهتنا تحديات تخليينا نتجاوز حدودنا. مع شوية حظ وكثير من العزيمة، عندنا فرصة نحققهم

  خمس دعائم استراتيجية لبيس لعام 2025

  علشان نحقق الأهداف دي، في 2025، لازم نشتغل مع بعض. وده معناه تركيز جهودنا المشتركة على الأشياء اللي بتسارع بعضها البعض وبتساعدنا نكون أقوى مع بعض. علشان نساعدنا كلنا نشتغل في نفس الاتجاه، حابين نكشف الستار ونشارككم باللي بيعملو فريق بيس الأساسي لتحقيق ده. أملنا هو إن ده يحفزكم للبناء معانا

  #1 بيس هو للمطورين

  هنبني أدوات قوية ومفتوحة تمكن أي حد من بناء تطبيقات على البلوكشين من فئة عالمية. سواء كنت مطور على البلوكشين متقدم، أو منتحل من ويب 2، أو مبتدئ تماما، إحنا عاوزين نساعدك في البناء وترك أثر

  • تعزيز OnchainKit البناء لتطبيقات عالمية

  • إطلاق أدوات جديدة تساعد المطورين في استخدام وكلاء الذكاء الاصطناعي والتطبيقات الصغيرة

  • تمكين تجارب بدون رسوم غاز والتوسع مع Paymasters وL3s

  #2 بيس هو للتطبيقات

  هنرعى نظام بيئي حيوي من التطبيقات المتصلة والمفتوحة على البلوكشين اللي هتنمي عدد الناس اللي بيستخدموا بيس. كل تطبيق جديد هيدخل ناس أكتر على البلوكشين ويدي كل شخص سبب ملموس للدخول في هذا المجال

  • مساعدة التطبيقات والمطورين والمبدعين على الانتشار بشكل فيروسي من خلال منحهم مزيد من التوزيع

  • بناء أدوات جديدة تساعد المبدعين على كسب المزيد، وشرح قصة البلوكشين، والنمو

  • توفير تجارب أساسية على البلوكشين عبر التواصل الاجتماعي، والتداول، والمدفوعات، والرسائل

  #3 بيس هو للملكية

  هنبني حساب قوي على البلوكشين مع تمويل وهوية وإدارة سريعة وسلسة. هنواصل العمل على محفظة ذكية للتخلص من التعقيد للمطورين والمستخدمين، وعلشان التطبيقات تشتغل بشكل بسيط، وتديك السيطرة مرة تانية.

  • إدخال المستخدمين الجدد في أقل من 60 ثانية (مع تمويل!) من دون الحاجة لإنشاء حسابات منفصلة

  • جعل التطبيقات تشتغل بكل بساطة من غير نوافذ منبثقة أو التضحية بسيادة المستخدم

  • تمكين المستخدمين من الاستفادة بسهولة من هويتهم وأصولهم بطريقة آمنة وخاصة**#4 بيس هو للأسواق**

    هنخلي بيس مركز الاقتصاد على البلوكشين من خلال أسواق رأس المال العالمية ذات السيولة العالية والتي تعمل على مدار الساعة. كلما جلبنا المزيد من الأصول والسيولة إلى بيس، كلما جاء العالم المالي كله إلى البلوكشين بسرعة أكبر.

    • جلب Coinbase على البلوكشين وزيادة عدد الأصول على بيس

    • دعم أكثر من 25 عملة مستقرة بالعملات المحلية لتمكين كل بلد من الانضمام إلى البلوكشين

    • تمكين مدخلات ومخرجات الأموال في كل البلدان حول العالم

    #5 بيس هو للجميع

    هنقوم بعملية اللامركزية، التوسع، والتسريع لتمكين الجميع في كل مكان من الدخول إلى البلوكشين. الطريقة الوحيدة لبناء اقتصاد عالمي حقيقي هي التأكد من أنه مبنى على منصة مفتوحة ولامركزية واحنا فخورين بأننا جزء من إيثريوم والسوبر تشين

    • تحقيق اللامركزية في المرحلة الأولى

    • توسيع قدرة البلوكشين في بيس إلى 250 Mgas/s

    • تسريع أوقات الكتل وتقليص الرسوم لتوفير معاملات بأقل من 1 ثانية وأقل من 1 سنت

    الخمس دعائم الاستراتيجية هي اللي مركز عليه فريق بيس دلوقتي واحنا نواصل البناء والتعلم كل يوم. مع مرور الوقت، هنكمل تطوير خططنا

    كيفية البناء بطريقة بيس

    في النهاية، مش بس عن اللي هنحققه في 2025 لكن كمان عن الطريقة اللي هنعمل بيها ده. وفي 2025، هنلتزم أن نكون "بيس". ده يعني:

    • نعمل الصح

    • نشتغل بجد

    • نفضل متفائلين

    • نكسر الحدود بالإبداع

    • نحط الفريق فوق الفرد

    لو كلنا بنبني بطريقة بيس، هنبقى قادرين نمشي أسرع وأبعد.

    الباقي علينا

    إحنا شاركنا معاكم مهمة بيس واستراتيجيتها وإزاي الفريق الأساسي في بيس بيساهم في تنفيذ ده. لكن في النهاية، النجاح هيوصل لما كل شخص في بيس يشارك ويساهم. إحنا هنكسب مع بعض

    جاهز تبني معانا؟

    انضم لينا على X، Farcaster، وDiscord علشان تبدأ تبني واتباع فريق بيس وقادة المجتمع في بيس علشان تفضل على اطلاع على آخر تطورات اقتصاد بيس وهو بينمو.

المطورين بيبنوا مستقبل أونتشين حول العالم

من خلال جولة "بيس حول العالم"، شفنا تأثير أدوات ال اونتشين في الواقع، وقابلنا بناة مذهلين بيصنعوا
مستقبل الاقتصاد العالمي اللامركزي

إيه اللي تعلمناه؟

1. الدافع العالمي موجود: المطورين في كل مكان حول العالم بيقوموا بتطوير التكنولوجيا وبيحاولوا يوصلوا لأعلى مستوى. في 2025 هنضاعف جهودنا في المبادرات العالمية وهنوفر دعم وموارد أكتر عبر مناطق مختلفة. كمان هنوظف قيادات محلية في كينيا، الأرجنتين، والفلبين عشان يكون في وجود
   لدعم قوي محلي. لو انت أو حد تعرفه ممكن يناسب الوظيفة، قدم هنا

2. العملات المستقرة مهمة جدا: علشان نبني اقتصاد عالمي اونتشين، العملات المستقرة مش اختياري، دي حاجة أساسية. هي بتشغل حاجات مهمة زي الحوالات المالية بين الدول، ودفع التجار المحليين، ودفع رواتب الشركات الصغيرة. في 2025، بيس لها مكانة خاصة كـ لاير 2، وده بيساعدها تكون الوجهة الأولى
   للعملات المستقرة

3. حلول محلية بتأثير عالمي: كل منطقة عندها تحديات خاصة بيها، لكن فيه قواسم مشتركة: زي التحكم في حياة الناس المالية، الوصول الأفضل للائتمان، والنظام الاقتصادي الأكثر عدلا للمبدعين. البناة قادرين يحلوا المشاكل دي محليا وفي نفس الوقت يكون ليهم تأثير عالمي

   تحية لمجتمع البناة ومشاركين Buildathon

   أفريقيا (كينيا)

   أول محطة فعلية كانت كينيا، وهناك قابلنا بناة بيتعاملوا مع تحديات اجتماعية ومالية. انبهرنا بأبطال محليين زي مايف اللي ترجم وثائق بيس للغة السواحيلية، و زي ييلي ونجكو اللي ساعدوا ودعموا بنائين تانيين في إفريقيا

   بعض الفائزين في Buildathon:

   Base Sessions, Basepay, The Unbound Project, Flexclub, RideBase, Azza Defi, AfroBase, Lendbit, Delar, Kombat, Yield, learnOnchain, Legitify, Antugrow, Health Trove, baseEastAfrica, Maisha Care, MQR Pay, PayFlip, Base Tours, Data Bud, LearNova, وElement Pay

   كمان مبسوطين قابلنا بناه زي

   Yele, Yoseph, Dami, Kokocodes, Charis, Harriet, Grammy Boy, JBofLagos, Bernard, DefiDevrel, Miss Purple, Kokkytau, Druxamb, KC Pele, Njoku, David Lumala, Roger, Kago, Chris,
   واستمتعنا بوقتنا معاهم كتير
   
   شوف محادثتنا معاهم هنا

   DefiDevrel HazardKrypto

1. الهند (بنغالور):

   في بنغالور، شاركنا في بطولة كرة قدم بين البناة وتلاقينا مع مئات البنائين اللي بيبنيوا حلول لجمهور عالمي

   بعض الفائزين:

   Based Coffee, Tike, Basics, SuperBaseNames, DefiLens, TagFi, CultureCo, CastMoney, EtherZap, Lumen, Vox, MiniBase, و Neom.

   وقابنا مطورين زي

   Akhil, Sankalp, Denver

   وكمان ديفوليو تيم

   Apoorav, Ashik, Cyber Shakti, Harpreet, Kushal, Pareen, Shubham, Mohit, Tushar, Vraj, Gayatri

   شوف التفاصيل هنا

   epic recap of our meetup

1. جنوب شرق اسيا (بانكوك، سنغافورة، مانيلا)

   في بانكوك، شاركنا في ديفكون وأعلنا عن الفائزين في لقائنا هناك. بعدين رحنا سنغافورة وخلصنا جولتنا في مانيلا من خلال قمة وايجيجي للألعاب

   بعض الفائزين:

   Cube, AgroFund, Based Chula Students, AutoBase, Onchain Buster, Magnify Cash, StreamFund, Local Coins, Kaivest, Onchain Scholars, WhiteBlue Swap, وCoinbase Smart Passport
   وقابنا مطورين زي

   santosa, 0xwildanr, Atomo, ayvee, aho, Harry, hypersound, Jitz

   kangun, kylepatrick, Nine, PShato, reallyryl, Pm, el, drizz, nael

   شوف التفاصيل هنا

1. أمريكا اللاتينية (الأرجنتين، لقاء افتراضي)

   ما قدرناش نروح الأرجنتين شخصيا، لكن هنروح هناك في 2025. شكر خاص لفريق لاتام على استضافة
   بيلداثون الافتراضي
   بنشكر فريق لاتام

   cush, Max, chaps, Fer, Juampi, João, Simoneth, Solange, Robert, sweetman, Losi, Carlos

   بعض الفائزين:

   CrediTalent, Bondi Finance, CLPD Stablecoin, BOBC Stablecoin, BuildMyEvent, Sembrando El Cambio, OpenVino, and AI Agent for Coinbase Wallet.

   اللي جاي في 2025

   • التعليم والإرشاد: هنفتح ساعات لقاء افتراضيه لدعم البناة في مناطق إفريقيا والهند وجنوب شرق آسيا

   • التوظيف: هنبحث عن قيادات محلية في كينيا والفلبين والأرجنتين، وكمان فيه وظائف عالمية في تطوير المنتجات والتسويق والهندسة

   • تحديثات المنتج: العملات المستقرة هتكون على رأس أولوياتنا في 2025

   جولة "بيس حول العالم" كانت تجربة ما ننساهاش، ومتحمسين للمرحلة الجاية. نشوفكم في 2025

مع محفظه كوين بيس دلوقتي تقدر تكسب مكافآت على الـ “ يو اس دي سي” بتاعك بكل سهولة، من غير ما تعمل أي حاجات معقدة، تقريبا في كل مكان في العالم. لأول مرة، مستخدمي محفظه كوين بيس يقدروا يكسبوا ٤.٧٪ عائد سنوي لمجرد إنهم يحتفظوا بـ “ يو اس دي سي” على الشبكه. ده معناه إن فلوسك هتفضل متاحه وقابلة للوصول في أي وقت

بيس و محفظه كوين بيس بيشتغلوا عشان يبنوا اقتصاد رقمي عالمي على الشبكه، يشجع الإبداع والابتكار ويزيد من الحرية. عشان نحقق الهدف ده، إحنا بنفتح قوة العملات المشفره وبنخليها أكتر وصولا وسهولة، مع مكافآت للناس في كل مكان

كا بدايه “ يو اس دي سي”، اللي هي دولار أمريكي رقمي، الناس في معظم أنحاء العالم يقدروا يحصلوا على مكافآت “ يو اس دي سي” ويكسبوا ٤.٧٪ عائد سنوي لما يحتفظوا بـ “ يو اس دي سي” في محفظه كوين بيس. “ يو اس دي سي” بتجمع بين استقرار الدولار الأمريكي وقوة الإنترنت وسرعته. تقدر تستخدمه علشان تبعت وتستقبل مدفوعات لأي حد، في أي مكان، أو تحتفظ بيه وتكسب مكافآت على فلوسك، وكمان هو مصمم عشان يكون قابل للتحويل ١:١ مع الدولار الأمريكي. بما إن المعاملات على الشبكه، فـا “ يو اس دي سي” بيتم تسويته على الفور وبأمان عبر الحدود

مكافآت عالية، من غير تجميد للمبلغ

الاحتفاظ بـ “ يو اس دي سي” على محفظه كوين بيس حاليا بيوفر معدل مكافآت ٤.٧٪ عائد سنوي. يزود“ يو اس دي سي” بتاعك في محفظه كوين بيس من أي مكان في العالم من غير وسطاء أو رسوم عالية. المكافآت بتتدفع شهريا، مباشرة في محفظتك على بيس. الميزة دي متاحة في معظم المناطق حول العالم، وبتنزل دلوقتي للمستخدمين في الولايات المتحدة

مدفوعات “ يو اس دي سي” مجانية وعالمية

جنب المكافآت، تقدر تبعت “ يو اس دي سي” على بيس فورا ومن غير رسوم. سواء كنت بتدفع لصديق عبر رابط أو بتبعت فلوس على مستوى العالم، المعاملات على الشبكه أسرع وأوفر من الطرق التقليدية. من غير رسوم ومن غير انتظار، إرسال الفلوس على محفظه كوين بيس سريع وسهل، ٢٤ ساعة في اليوم، ٧ أيام في الأسبوع، لأي مكان في العالم

فعل الميزة دلوقتي

جاهز تكشف عن قوة المكافآت على الشبكه؟ حمل محفظه كوين بيس من هنا، وحول فلوسك على الشبكه

بعد ما تحط في محفظتك“ يو اس دي سي” لو كنت مؤهل، تقدر تفعل مكافآت “ يو اس دي سي” في صفحة عملاتك الخاصة على المحفظه

مكافآت “ يو اس دي سي” على الشبكه متاحة للعمله الموجودة في محفظه كوين بيس على الشبكات دي: بيس، إيثيريوم، آربيتريم، أفالانش سي-تشين، بوليجون وأوبتيميزم. المكافآت هتتدفع إلى عنوان محفظتك شهريا على بيس

تابع اخر اخبار كوين بيس على X و Farcaster

تنبيه

شركة كوين بيس مش هدفها إن المنتجات اللي بتكسب مكافآت اللي قولناها هنا تكون عبارة عن عروض أوراق مالية, و شراء المنتجات دي مش زي الاستثمار في عروض الأوراق المالية

مكافآت “ يو اس دي سي” بتتقدم بناء على تقدير كوين بيس . معدل المكافآت قابل للتغيير وممكن يختلف حسب المنطقة. العملاء هيقدروا يشوفوا أحدث المعدلات المطبقة مباشرة جوه محفظاتهم لو كانوا مؤهلين

المعلومات دي موجهة للأغراض التعليمية العامة فقط ومش مقصود بيها إنها تبقى نصيحة استثمارية أو نصيحة عن المنتجات المالية. دي مش توصية لشراء أو بيع أي أصل رقمي معين أو لاستخدام استراتيجية استثمارية معينة. كوين بيس مش مسؤولة عن دقة أو صلاحية أو ملاءمة أي معلومات مقدمة

الميزة دي مش متاحة حاليا في دول الاتحاد الأوروبي أو كندا. هتكون متاحة بشكل واسع في الولايات المتحدة في الأسابيع الجايه. مستخدمين محفظه كوين بيس في الولايات المتحدة لازم يربطوا حسابهم في كوين بيس علشان يكسبوا المكافآت

تحديث "بيكترا" على بيس, واحدة من خطط بيس لـ 2024 هي إنها تخلي التعاملات على البلوكتشين سهلة ورخيصة لكل الناس
هدفنا هو تقديم معاملات سريعة، رخيصة، وآمنة على شبكة لامركزية علشان نقدر نشرك الناس في الاقتصاد الرقمي العالمي. إحنا هنشارك تقدمنا في سلسلة مقالات جديدة اسمها "تطوير بيس"، وهنعرض فيها التحديثات وخطتنا لتوصيل مليار شخص على البلوكتشين، هنشرح خطتنا لزيادة سعة البيانات وإزاي هنضم تقنية اسمها بيرداس في تحديث بيكترا. في مارس اللي فات، ايثريوم عملت تحديث اسمه EIP-4844 اللي قلل رسوم الغاز على شبكات اللاير2 بنسبة كبيرة جدا

التحديث ده فصل الرسوم للاير2 عن رسوم الشبكة الرئيسية، وده اللي بيخلي الشبكة تقدر تتوسع. لو شبكة اللاير2 زحمت، تقدر تزود سعتها وترجع رسوم المعاملات تنزل من تاني. نتيجة للتحديث ده، قدرنا نضاعف سعة بيس أربع مرات، وزودنا هدف الغاز لكل بلوك علشان نحافظ على رسوم المعاملات تحت سنت واحد، حتى مع زيادة النشاط على الشبكة

من فترة، حطينا هدف طموح إننا نوصل بسعة بيس لـ 1 ج جاز. إحنا عارفين إن المشوار ده محتاج شغل كتير وتعاون بين فرق كتير. علشان نوفر وضوح للجميع، هنبدأ نزود هدف الغاز بـ 1 م جاز كل أسبوع، وده بدأ من آخر سبتمبر. هنراقب ونجرب التغييرات دي، ولو احتجنا نغير أي حاجة، هنعلن عن أي تعديلات بوضوح

هدفنا بعد كده هو إننا نسرع الزيادة الأسبوعية لغاية ما نوصل لهدفنا الاساسي. مع توسع بيس ، بنبص لقدام على تحديثات ايثريوم الرئيسية اللي هتزود سعة البيانات على الشبكة الرئيسية لاير1. بيرداس هيساعد في توسيع سعة البيانات من غير ما يضغط على كل الأجهزة اللي بتشغل الشبكة. تقنية بيرداس هتخلينا نزود سعة البيانات عن طريق السماح لكل جهاز بتحميل جزء صغير بس من البيانات، بدل ما يحملها كلها

ده هيقلل الضغط على الشبكة ويفتح المجال لتوسيع كبير في سعة البيانات. إحنا شغالين على إننا نضم بيرداس في تحديث بيكترا ونتأكد إنه هيكون جاهز للاندماج في الشبكة. فيه ناس بتقول إننا لو زودنا سعة البيانات بسرعة، ده ممكن يضغط على الشبكة، لكن إحنا شايفين إن الحل هو إننا نزود سعة البيانات بذكاء علشان كل الأطراف اللي بتشغل الشبكة تقدر تشتغل بأمان وبدون مشاكل. مع نمو ايثريوم، أي زيادة في سعة البيانات هتكون ليها طلب طبيعي. نظام الأسعار اللي بيعتمد على العرض والطلب هو شيء اساسي، لكن الحفاظ على الرسوم المنخفضة لأطول فترة ممكنة هيساعد الشبكة تتوسع بشكل أسرع

https://www.base.org/names

مع ازدياد عدد الناس اللي بيدخلوا على الشبكه، العناوين الخاصة بالـ محفظة مش كفاية علشان تتواصلوا مع بعض. الجمل الطويلة دي من الأرقام والنصوص بتضيف صعوبة في المعاملات، وبتخلي من الصعب على المطورين إنهم يلاقوا المعجبين الحقيقين بتطبيقاتهم، وبتحول البحث عن المستخدمين المناسبين إلى مهمة صعبة جدا

دومينك على بيس هو هوية على الشبكه تم إنشاؤها من المطورين وللمطورين والمستخدمين، بتحل بعض من أصعب المشاكل اللي بيواجهها المطورين على بيس يوميا: زي انهم يلاقو مطورين تانيين للبناء معاهم، ويلاقو احسن موارد، وتوفير تجارب سهلة للناس العاديين اللي بيستخدموا التطبيقات اللي بنوها. مع الـ أسماء بيس، تقدر

• تبني هويتك على الشبكه: استخدم اسمك الخاص بتاعك كهوية ليك على الشبكه في نظام بيس، وخصص ملفك الشخصي مع السيرة الذاتية، المهارات المعتمدة، وغيرهم

• أظهر تطورك كمطور: استمر في تطوير ملفك الشخصي

• تواصل وتعاون: سهل تلاقي مرشدين ومطورين للبناء معاك من خلال مشاهدة ملفاتهم الشخصية

• فهم جمهورك: احصل على رؤى حول مين بيستخدم تطبيقك لما يتواصلوا مع اسم الشبكه بتاعهم

• بسط المعاملات: ابعت واستقبل بكل سهولة مع اسمك الخاص سهل القراءة والتذكر

أسماء الشبكه مبنية على بروتوكول الـ اي ان اس المفتوح المصدر واللامركزي، بما يتماشى مع التزام بيس بالتقنيات اللامركزية والمفتوحة المصدر
اشتري اسمك المميز من هنا

https://www.base.org/names

متوفر بالعربي كمان!

ثبت إطارك على ملفك الشخصي في بيس: خلي الناس يقدروا يدفعوا ليك، يرشحوك، يشتركوا في محتواك، وأكثر

دلوقتي، هتقدر تثبت إطارات مخصصة على ملفك الشخصي في بيس. اعتبرها مكانك على الشبكه، زي مساحتك الخاصه يقدر أي شخص يدعمك، يدفع ليك، يعمل منت ل ان في تي بتاعتك، يسجل لحضور حدثك، أو يشتري منتجاتك وكل ده مباشرة من ملفك الشخصي في بيس

علشان تبدأ، هنقترح لك شوية خيارات على ملفك الشخصي

• ادفع لي: استلم المدفوعات من الآخرين باستخدام Paycaster

• رشحني: خلي أي حد يقدر يرشحك كمطور مفضل على Build.top

• اشتري مني: خلي الناس يقدروا يشتروا المنتجات من متجرك على Slice.so

• اشترك في: زود الاشتراكات لحسابك على Hypersub

• اعمل منت ل ان اف تي: خلي عملات الـ ان اف تي بتاعتك متاحه على Highlight

• سجل لحضور الحدث: خليك عارف عدد الناس اللي هتحضر حدثك على Events.xyz

كمان تقدر تثبت أي إطار تحبه عن طريق إضافة الرابط مباشرة, هنستمر في تطوير الميزة دي مع الوقت، وهنضيف اقتراحات ودعم أكتر علشان تقدر تعبر عن نفسك بشكل كامل من خلال ملفك الشخصي في بيس

بناء بيس باسلوب امن أولي

من اليوم الأول، بيس اتبنت على نهج أمني أولا, من خلال دمج ممارسات كوينبيس عالية المستوى مع قاعدة كود مفتوحة المصدر. على مستوى الشبكه

• بيس مبنية على او بي ستاك الآمنة والمفتوحة المصدر مع أوبتيميزم، مستفيدة من التدقيقات الكثيرة وجهود الأمان المجتمعية

• فريق أمان البروتوكولات في كوينبيس قام بتدقيق شامل لبيس، لتأكيد الأمان و من عدم وجود ثغرات خطيرة قبل إطلاق الشبكة الرئيسية

• قبل إطلاق الشبكة الرئيسية، بيس تعاونت مع أكتر من 100 باحث أمني في مسابقة تدقيق عامة

علشان نجيب المليار مستخدم الجايين على الشبكه، إحنا دلوقتي بندور على تمكين البناة بالأدوات اللي يحتاجوها لبناء تطبيقات وبروتوكولات آمنة وموثوقة للمستخدمين بتاعهم. جزء مهم من ده هو مراقبة العقود الذكية، اللي بتساعد البناة في اكتشاف التهديدات المحتملة لتطبيقاتهم أو بروتوكولاتهم واتخاذ الإجراءات. لكن المراقبة على الشبكه غالية وبتحتاج وقت وجهد كبير عشان البناة يضبطوها

النهاردة، إحنا بناخد خطوة كبيرة في الموضوع ده من خلال توفير الوصول المجاني لمراقبة العقود الذكية والكشف والتحليل لكل تطبيق أو بروتوكول على بيس من خلال شراكتنا مع هيكسا جيت

تزويد البناة على بيس بأدوات أمان متقدمة

ل سنة فاتت، فريق بيس استخدم حلول هيكسا جيت لتحسين الأمان على بيس من خلال استخدام نماذج الكشف عن التهديدات المبنية على التعلم الآلي، مراقبة الثوابت، والذكاء الاصطناعي لتقليل المخاطر وتعزيز أمان بيس بشكل كبير

الحلول دي بتراقب الأصول الأساسية زي cbBTCوكمان أنظمة العقود الذكية المتطورة زي فولت بروفس، لتقديم رؤيه شاملة. في وقت سابق من السنة دي، نجحنا في إجراء محاكاة باستخدام منصة هيكسا جيت لاختبار بروتوكولات الأمان بتاعتنا ضد الحوادث

من خلال التعاون مع هيكسا جيت، كل بنّاء على بيس دلوقتي عنده وصول مجاني للأدوات اللي بتتيح الكشف المبكر عن التهديدات والتقليل من المخاطر بشكل استباقي.

https://www.coinbase.com/blog/strengthening-our-defenses-with-seal-wargame-simulations

إزاي ده بيشتغل

البناة على بيس دلوقتي ممكن يستخدموا منصة هيكسا جيت لتأمين تطبيقاتهم وبروتوكولاتهم باستخدام

• Hexagate Ecosystem Tier: مراقبة تهديدات في الوقت الفعلي مبنية على التعلم الآلي لحد 10 عقود على بيس زائد 5 مراقبات مخصصة للتهديدات المعروفة للعقود بشكل مجاني

• تنبيهات في الوقت الفعلي: إشعارات فورية ممكن إرسالها عبر قنوات زي سلاك أو تليجرام أو البريد الإلكتروني

• إرشادات ودعم: توثيق ودروس عن طريقه ضبط المراقبات، وتحليل التنبيهات، والرد على الحوادث

من النهاردة، أي حد ممكن يقدم للحصول على هيكساجيت هنا وللبناة اللي يحتاجوا مزايا أكتر بتقدم هيكسا جيت مجموعة كاملة من الخدمات بأسعار مخفضة للسنة الأولى

بناء مستقبل أكثر أمانا على الشبكه

إحنا ملتزمين بتوفير بيئة امنة وشفافة للبناة على الشبكه، بدايه من الوصول لمراقبة العقود الذكية وتدريجيا إطلاق المزيد من المزايا، علشان كل تطبيق وبروتوكول على بيس يقدر يبتكر بثقة. قدم للحصول على Ecosystem Tier دلوقتي

يرجى ملاحظة أن كل الخدمات والأدوات مقدمة من هيكسا جيت، وكوينبيس وشركاتها التابعة لا تقدم أي ضمانات أو تتحمل أي مسؤولية عن استخدامها أو أدائها

بنبني نحو اللامركزية

من أول ما بدأنا في بيس، إحنا مؤمنين إن إنشاء اقتصاد مفتوح وعالمي على الشبكه ماينفعش يحصل إلا على منصة لامركزية. عشان كده بيس

مبنية على ايثيريوم أكتر لاير1 أمانا ولامركزية

مبنية على تكنولوجيا اوبتيميزم مفتوحة المصدر — وهي طبقه مفتوحة المصدر اللي بتكون أساس لشبكه من لاير2 اللي هتشارك في التوافقية، والأمان

ملتزمة بقانون الشبكات مع اوبتيميزم، اللي بيشمل التزام بالحيادية، ونموذج أمان لامركزي، وحماية النظام البيئي

بتدافع عن مبادئ حيادية بيس، زي استقلالية المستخدم، وتنظيم المعاملات بدون تحيز، والتحكم في البيانات غير العامة، وسحب الأموال بدون قيود

إحنا مركزين جدا على التقدم المستمر نحو اللامركزية الكاملة

يعني إيه فولت بروفس لبيس؟

عمل فيتاليك للامركزية بيحدد مسار لتطوير تطبيقات لاير2 على ايثيريوم، زي بيس، علشان تبقى أكثر لامركزية بشكل تدريجي وامن. فولت بروفس هي جزء أساسي للانتقال من المرحلة 0 ، لمرحلة 1

السنة دي، فريق بيس اشتغل مع اوبتيميزم عشان يجيبوا نظام فولت بروفس لبيس. ده بيسمح باتباع نهج لامركزي للاقتراح والتحقق من حالة لاير2، وبيمهد الطريق لمشاركة أكبر من المجتمع

الفوائد الأساسية لفولت بروفس علشان تحسين اللامركزية

اقتراحات بدون إذن: فولت بروفس بتساعد في التحقق من حالة بيس بطريقة لامركزية، وبتسمح لأي مشارك إنه يقترح ادعاءات عن الحالة العامة للشبكه، وشرعية المعاملات عليها. ده بيشيل الاعتماد على طرف مركزي علشان يثبت الحالة للمعامله

تحديات بدون إذن: لو فيه ادعاء خاطئ أو احتيالي (زي محاولة خبيثة لسحب ايثيريوم من الجسر)، أي حد يقدر يتحداه في 3.5 أيام باستخدام برنامج التحدي المفتوح المصدر الموجود في اوبتيميزم. المشاركين اللي يقدروا يتحدوا الادعاء بنجاح هياخدوا سندات الادعاء الغير صحيح، وده هيخلق حافز اقتصادي للمساعدة في تأمين الشبكة. ده هيعزز المساءلة والتحكم من المجتمع، وبيقلل من الحاجة للثقة في كيان مركزي للتحقق من الحالة. مع نظام فولت بروفس، وجود حتى متحدي واحد صادق بيضمن أمان الشبكة. عشان يحافظوا على ده، فريق بيس هيشغل جهاز تحدي بشكل مستمر.

الخطوات الجاية: لامركزية المرحلة 1 وما بعدها

فولت بروفس هي خطوة كبيرة نحو لامركزية المرحلة 1، لكن لسه في حاجه تاني لازم نوصلها عشان نكمل. حاليا، التحديثات على بيس بيتم مراجعتها من قبل عدد من المساهمين من فرق بيس وأوبتيميزم

الوصول للمرحلة 1 يعني توسيع مجموعة الموافقين دي علشان تضم مجموعة أكبر وأوسع من أصحاب المجتمع اللامركزيين "مجلس الأمان" علشان نضمن إن التحديثات البروتوكولية لبيس بتتم بدون تحكم مركزي. بيس على المسار الصحيح لإكمال الخطوة دي وتحقيق اللامركزية في المرحلة 1 في الأشهر الجاية

في 2025، إحنا متحمسين إننا نكمل في التقدم نحو اللامركزية الكاملة من خلال اتخاذ خطوات ل المرحلة 2. أولويتنا الكبيرة هي دعم تطوير تنفيذات متعددة لفولت بروفس

مع تفعيل فولت بروفس دلوقتي، إحنا متحمسين نكمل بناء رؤية بيس، وايثيريوم عشان انترنت افضل واكثر لامركزية اللي هيكون متاح للجميع