მაწვნის წვნიანი ერთ-ერთი ყველაზე გემრიელი კერძია, რომლის მომზადება ძალიან მარტივია. პლუს, ის ბევრ ინგრედიენტს არ მოითხოვს.

მისი პოპულარობაა მიზეზი, რომ დღეს არაერთი რეცეპტი და ვარიანტი შეგხვდებათ - იქნება ეს დიეტური მაწვნის სუპი, თუ ჩვენი მეზობლების ძალიან გამორჩეული თურქული მაწვნის წვნიანი.

დღეს ზუსტად ამ მსუყე და გემრიელი კერძის შესახებ ვისაუბრეთ, რომელიც იდეალურია ნებისმიერი სეზონისთვის.

არა მხოლოდ სეზონს არ აქვს მნიშვნელობა, ეს კერძი მისწრებაა ნებისმიერი ასაკის ადამიანისთვის. განსაკუთრებით მაშინ, როცა საქმე პატარებს ეხება, მაწვნის სუპი ბავშვებისთვის ერთ-ერთი გამორჩეული საკვებია.

როგორ გავაკეთოთ მაწვნის სუპი

მაწვნის სუპი ინგრედიენტები:

• 5 კვერცხი

• მარილი

• კამა და ქინძი

• ლურპაკის კარაქი

• ნიორი

• ხახვი

• ბრინჯი

• წყალი

• მაწონი

1. პირველ რიგში დაგჭირდებათ 3 სუფრის კოვზი ბრინჯი. გარეცხეთ და მოხარშეთ.

2. ხახვი დაჭერით წვრილად. შემდეგ მოშუშეთ კარაქში.

3. საჭიროა 1 ქილა მაწონი. მასში გათქვიფეთ ერთი ცალი კვერცხი. დაამატეთ ნახევარი ლიტრი წყალი. საშუალო ცეცხლზე ურიეთ, სანამ არ ადუღდება. 

4. დუღილი დაიწყება თუ არა დაამატეთ მოშუშული ხახვი, მოხარშული ბრინჯი, მარილი, დაჭრილი ქინძი, კამა, ნიორი. კარგად მოურიეთ, ბოლოს კი ჩაახალეთ კვერცხი.

5. გამორთეთ ცეცხლი, როცა კვერცხი თქვენთვის სასურველ დონეზე მოიხარშება.

კერძი მზადაა !!!

რეალურად თქვენ იმპროვიზაციის სრული თავისუფლება გაქვთ.

ძალიან თამამად შეგიძლიათ კამა პიტნით ჩაანაცვლოთ - შედეგი უგემრიელესი მაწვნის წვნიანი იქნება.

შეგიძლიათ კვერცხის გარეშე გახვიდეთ ფონს და ფქვილი დაამატოთ. გემოვნების ამბავია ისურვებთ თუ არა ნიორს.