My memes 😝 – When My Mama Hear Say I Don Turn Father 😂

After that day wey the girl tell me say she don carry belle, I reason say make I just chill — maybe na prank. Two weeks later, she call me again:

“Babe, I wan go greet your mama.”

Me: “😳 Which mama? My mama wey still dey call me ‘small boy’? You wan give am heart attack?”

Before I fit block her plan, this girl don waka go my mama shop for Mile 3. She greet my mama say,

“Mama good afternoon, na me your daughter-in-law o.”

My mama just dey look am like say na movie. She ask, “Daughter-in-law from which house?”

The girl smile say, “From your son Noble na… I carry him baby.”

Mama faint small, come wake up shout, “Jesu! Noble! You don give person pikin belle?!”

Before I even reach house, neighbors don gather, one woman don shout, “Na so this our pikin don join fatherhood gang!” 😂😂

Since that day, my mama dey call me “Papa Junior” even though the baby never reach three months inside belle

Now anytime I pass Mile 3, boys go hail me,

“Baba Junior! You no ready for fatherhood but fatherhood ready for you!” 😂😂

Abeg if u never follow up try now ooo 😍 I gat u guys covered ds days 😂

👉👉👉 CGE Films 💪