加密貨幣未算主流世界認可貨幣，大部分地方視為投資產品多於貨幣，所以暫時為止，crypto買賣未有銀行般嘅監管程序。 而以下crypto平台並非香港註冊，以cold storage保障資產，香港政府難以下令凍結之餘，亦有唔錯嘅利息。 Celsius係一間UK嘅公司，而BlockFi係另一家紐約註冊公司。香港目前可以以信用卡買crypto，信用卡公司會收取2-3.5%左右服務費。基本上就係收取客戶存款資產，然後再借出去賺取利息嘅平台。而佢哋做呢種生意又唔使拎banking license嘅原因係因為政府仲未接受crypto係貨幣。佢哋係要做相應嘅KYC先開戶，即係用mobile number、email address、護照等，但未有去銀行開戶口咁多嘢搞。暫時香港人仍然可以開戶。 年息每隻加密貨幣都唔同，以美元定錨嘅穩定幣會比較高息。穩定幣即係以美元之類法定貨幣為本位嘅crypto，匯率會維持在約1：1法定貨幣，實際會有幾%波動，唔係100%一兌一（港元兌美金都唔係完全7.8：1）。常見stablcoins有USDT、USDC、GUSD、BUSD之類，目前年息約8%，暫時仍然跑贏通脹...